ئه‌ڤ راهێنه‌ره نێزيكى ريال مه‌دريد دبيت
ئه‌ڤرۆنيوز:
رۆژنامه‌كا بريتانى دياركر كو راهينه‌رێ يانا شيلسى يا ئينگليزى ئه‌نتونيۆ كونتى يێ ئيتالى يێ نێزيك دبيت ژ وه‌رگرتنا ئه‌ركێ راهينه‌ريا يانا ريال مه‌دريد ل شوينا زه‌ينلدين زێدان راهێنه‌رێ نوكه يێ ريال.
رۆژناما(ديلى ستار) يا بريتانى، به‌لاڤكر” شكه‌ستنا ريال مه‌دريد ل به‌رامبه‌ر به‌رشه‌لونا ب 0-3 ئانكو زێده‌بوونا فشاران ل سه‌ر زێدانێ ژبه‌ر ژده‌ستدانا خه‌ونا بده‌ستڤه‌ئينانا خۆلا ئيسپانى ل ڤى وه‌رزى وزێده‌بوونا جوداهيا خالان ل گه‌ل به‌رشه‌لونا بۆ 14 خالان”.
وێ رۆژنامێ ئاماژه دا كو فلورنتينۆ بێرێز سه‌رۆكێ يانا ريال مه‌دريد يێ مه‌نده‌هوش بوو ب وێ چه‌ندا كونتى ل گه‌ل شيلسى پێشكێشكرى ل وه‌رزێ ئێكێ دگه‌لدا كو خۆلا ئينگليزى بده‌ستڤه‌ئيناى.
