ئەمریکا گلۆپا کەسک بۆ کوشتنا قاسم سولێمانی هەلکریە
ئەڤرۆ نیۆز ، زنار تۆڤی:
رۆژنامەکا کوێتی ئاشکرا دکەت،کو پشتی سێ سالێن دوبەرەکیێ و تێکدانێ دەزگەھێن ھەوالگیریا ئەمریکا گلۆپا کەسک بۆ کوشتنا فەرماندارێ فەیلەقا قودس یا پاسدارێن ئیرانێ بۆ ئسرائیلێ ھەلکریە.
هەروەسا ژێدەرەکێ بۆ رۆژناما ئەلجەریدە یا کوێتی راگەھاندیە،کو بەرپرسەکێ مەزن یێ دەزگەھێ ھەوالگیریا ئسرائیلێ موسادێ ئاشکرا کر بوو،کو ئسرائیل بەری سێ سالان گەلەک نێزیکی کوشتنا قاسم سولێمانی فەرماندارێ فەیلەقا قودس یا سوپایێ پاسداران ببوو ل نێزیکێ دیمەشقێ،لێ ئەمریکا ھایدرای وێ پلانێ بوو،وێ قاسم سولێمانی ل سەر وێ پلانێ هایدار کربوو،لەورا ئەو پلان سەرنەکەفت.
وی ژێدەری گوتیە ژی،نوکە رێککەفتنەکا ئەمریکی ئسرائیلی ل سەر ترسا سولێمانی و گەفێن وی ل سەر ھەردو وەلاتان ھەیە،هەروەسا ئسرائیل ژی نوکە ژ نێزیک چاڤدێریا سولێمانی دکەت و پتر ژ جارەکێ نێزیکی کوشتنا وی بوویە.
