ئيران دێ حه‌شدێ كه‌ته حوكمه‌ت ل عيراقێ
ئه‌ڤرۆنيوز:
كه‌نالێ العربيه دراپۆرته‌كا خوه دا دياركر كو لايه‌نێن سياسى وچاڤدێر ل عيراقێ مه‌ترسيا خوه دياردكه‌ن وهوشداريێ دده‌ن كو چه‌ك دده‌ستي ميليشيێن حه‌شدا شه‌عبى دا بمينيت ودياردكه‌ن كو ئه‌گه‌رێ وێ چه‌ندێ يێ هه‌ى، عيراق وه‌كو لوبنانێ لێ بهێت وئيران ب رێيا حه‌چدا شه‌عبى حوكمه‌تێ دناڤ حوكمه‌تێ دا دروست بكه‌ت وده‌ستهه‌لاتا سه‌ره‌كى دده‌ستێ حه‌شدا شه‌عبى دا بيت ووه‌كو ره‌وشا لوبنانێ لێ بكه‌ت.
عه‌لى سيستانى مه‌رجه‌عێ بلند يێ شيعێن عيراقێ ددووماهى په‌ياما خوه دا دووپاتێ ل وێ چه‌ندێ كريه كو پێدڤيه هه‌موو چه‌ك راده‌ستى حوكمه‌تا عيراقێ بهێته كرن، به‌لێ هێشتا مه‌ترسى يا هه‌ى كوهنده‌ك ژميليشيان پێگيريێ ب وێ بريارا مه‌رجه‌عيه‌تێ نه‌كه‌ن وچه‌كى راده‌ستى حوكمه‌تێ نه‌كه‌ن وه‌كو حزبوللا يا لوبنانى وبريار وفه‌رمانان ژئيرانێ وه‌ربگرن.
مه‌ترسيا دووباره‌كرنا سيناريۆيا لوبنانێ ل سه‌ر عيراقێ پشتى وێ چه‌ندێ دهێت، كو قه‌يس خه‌زعه‌لى سه‌رۆكێ ميلشيێن عه‌سائيب ئه‌هلولحه‌ق دچه‌ند رۆژێن بۆرى دا سه‌ره‌دانا سنورێن باشوورێ لوبنانێ ب هه‌ڤالينيا چه‌كدارێن حزبوللا يا لوبنانى كر وگه‌ف ژى ل ئيسرائيلێ كرن، ئه‌ڤێ چه‌ندێ ژى لايه‌نێن سياسى وچاڤدێر وشاره‌زايێن عيراقى پست راستكرن كو مانا چه‌كى دده‌ستێ حه‌شدا شه‌عبى دا دێ مه‌ترسيا وێ چه‌ندێ هه‌بيت كو ئيران وه‌كو حزبوللا يا لوبنانى لێ بكه‌ت وهه‌موو ده‌ستهه‌لات ل عيراقێ هه‌بن وچو رێزێ ل حوكمه‌ت وده‌زگه‌هين هه‌لبژارتى وشه‌رعى يێن عيراقێ نه‌كه‌ت وه‌كو ره‌وشا نوكه ل لوبنانێ هه‌ى.
نڤيسينگه‌ها راگه‌هاندنێ يا سه‌رۆك وه‌زيرێن عيراقێ ل به‌رانبه‌ر داخۆيانيێن سيستانى دوپاتى ل وێ چه‌ندێ كر كو ئه‌و پێشوازيێ ل وێ پێنگاڤا مه‌رجه‌عيه‌تێ دكه‌ن ولژنه‌كا تايبه‌ت دێ پێكئينن بۆ هه‌لوه‌شاندنا ميليشيێن حه‌شدا شه‌عبى ووه‌رگرتنا چه‌كێ گران وناڤه‌ندى وتۆماركرنا ناڤێ چه‌كدارێن وێ دناڤ رێزێن ده‌زگه‌هێن له‌شكرى يێن دى يێن ده‌وله‌تێ.
