عه‌بادى فه‌رمانه‌كێ ل دۆر فرۆكخانێن هه‌رێما كوردستانێ دده‌ت
ئه‌ڤرۆنيوز:
سه‌رۆك وه‌زيرێن عيراقێ فه‌رمانه‌كێ ل دۆر پرسا ڤه‌كرنا هه‌ردو فرۆكخانێن هه‌ولێرێ وسلێمانيێ يێن نێڤده‌وله‌تى دده‌ت.
ب گۆره‌ى پێزانينێن هاتينه به‌لاڤكرن، ل دووڤ باسنيوز،، ئه‌ڤرۆ دوشه‌مبى 26/2/2018، حه‌يده‌ر عه‌بادى، سه‌رۆك وه‌زيرێن عيراقێ فه‌رمان دايه تاكو رۆژا 31/5/2018، هه‌ردو فرۆكخانێن هه‌ولێرێ وسلێمانيێ يێن نێڤده‌وله‌تى نه‌هێنه ڤه‌كرن ل به‌رامبه‌ر گه‌شتێن نێڤده‌وله‌تى.
به‌رى نوكه چاڤدێران به‌حس ل وێ چه‌ندێ كربوو كو حه‌يده‌ر عه‌بادى ڤه‌كرنا هه‌ردو فرۆكخانێن هه‌رێمێ بۆ گه‌شتێن نێڤده‌وله‌تى وه‌كو كارته‌كێ دهه‌لبژارتنان دا دێ بكارئينيت ودخوازيت پتريا ده‌نگێن دژى كوردان ل عيراقێ بده‌ستڤه‌بينيت.
