نوونه‌رێن كوردان بۆ ڤه‌كێشانا ژ به‌غدا چاڤه‌ڕێی بڕیارا سیاسینه
ئه‌ڤرۆ نيوز:
سه‌رۆكێ فڕاكسیۆنا پارتی دیموكراتی كوردستان لپه‌رله‌مانێ عێراقێ ئه‌شكره‌كر، هه‌ر پێنج فڕاكسیۆنێن كوردستانی پێشنیار بۆ لایه‌نێن سیاسی كریه بڕیارێ لدۆر ڤه‌كێشانا نوونه‌رێن كوردان به‌غدا و سه‌رۆك كۆماریژی سۆزدایه دده‌مێ وه‌رگرتنا هه‌ر هه‌لویسته‌كێ یێ به‌رهه‌ڤه ده‌ست ژ پۆستێ خوه به‌رده‌ت، مامۆستایه‌كێ زانكۆیێ ژی دبێژیت، به‌غدا نیه‌ت هه‌یه خه‌لكێ كوردستانێ زه‌لیل بكه‌ت.
دكتۆر عه‌ره‌فات كه‌ره‌م، سه‌رۆكێ فڕاكسیۆنا پارتی لپه‌رله‌مانێ عێراقێ بۆ رۆژناما ئه‌ڤرۆ گۆت” ئه‌ف بودجێ هاتیه په‌سه‌ندكرن ژلایێ په‌رله‌مانێ عێراقێ ڤه خراپترین پڕۆژه قانوونا بودجه‌یه پشتی پڕۆسا ئازادیا عێراقێ هاتیه په‌سه‌ندكرن، له‌وڕاژی مه بایكۆتا كۆمبوونا په‌رله‌مانێ عێراقێ كریه، دوماهی بزاڤا مه ئه‌ڤه هه‌رپێنج فڕاكسیۆنێن كوردستانی ل به‌غدا كۆمبووینه و كاك ئارام جێگرێ سه‌رۆكێ په‌رله‌مانێ عێراقێ هاتیه سه‌رپشكرن دگه‌ل لایه‌نێ سیاسیێن هه‌رێما كوردستانێ دانوستانان بكه‌ت و بڕیاره‌كێ لدۆر مان و نه‌مانا كوردان ل به‌غدا بده‌ن، هه‌تا دكتۆر فوئاد مه‌عسوم سه‌رۆك كۆمارێ عێراقێ ژی د كۆمبوونێ دا بمه راگه‌هاندیه كو هه‌ر بڕیاره‌كا بهێته دان ژلایێ هه‌رێما كوردستانێ ئه‌و دێ پێگیریێ پێكه‌ت و یێ به‌رهه‌ڤه خوه ڤه‌كێشیت ل به‌غدا.
دكتۆر عه‌ره‌فات كه‌ره‌م دیاركر” تازه جهێ مه ل به‌غدا نه‌مایه و بدیتنامن كورد بڕیاره‌كێ بده‌ن و باشترین بژارده‌ژی ئه‌ڤه كورد خوه ڤه‌كێشیت ل پڕۆسا سیاسیا عێراقێ و بایكۆتا هه‌لبژارتنێن داهاتی یێن عێراقێ بكه‌ت، چونكو به‌غدا ئیدی یا به‌رهه‌ڤنینه بۆ دانا مافێن خه‌لكێ كوردستانێ.
ژلایێ خۆڤه‌ژی دكتۆر عه‌بدوللا ئاگرین، مامۆستایێن زانكۆیێ بۆ رۆژناما ئه‌ڤرۆ گۆت” به‌غدا دڤێت خه‌لكێ هه‌رێما كوردستانێ زه‌لیل بكه‌ت و قه‌واره‌یا هه‌رێما كوردستانێ هه‌ر نه‌هێلن، نیه‌تا به‌غدا ئه‌ڤه نینه بودجه و مووچه‌ی نه‌ده‌ته وه‌لاتیان، به‌لكۆ پیلان هه‌یه هه‌رێما كوردستانێ بته‌مامی خوه راده‌ستی به‌غدا بكه‌ت، ڤێجا هنده‌ك مووچه‌ی فڕێكه‌ت بۆ فه‌رمانبه‌ران، ئه‌ڤا ئه‌ڤرۆ به‌غدا به‌رامبه‌ر هه‌رێما كوردستانێ دكه‌ت تنێ هه‌ر بابه‌ت مووچه نیه، مووچه‌یژی فڕێكه‌ن هه‌ر بۆ چه‌ند هه‌یڤاكایه و عێراقێ ب چو شێوه‌یه‌كی نه‌ڤێت دگه‌ل هه‌رێما كوردستانێ بگه‌هیته رێكه‌فتنێ.
دكتۆر عه‌بدولا ئاگرین دیاركر” هنارتنا لیژنێن هویربینیێ و ئینان و برنا بمه تێته‌كرن ژلایێ به‌غداڤه هه‌موو سیناریۆنه، عه‌ره‌بێن شیعه و سونه ناخوازن وه‌ك به‌رێ هه‌رێما كوردستانێ ئه‌ف ده‌ستهه‌لاتێن نوكه هه‌بن، له‌وڕا هه‌تا پشتی هه‌لبژارتنێن داهاتی یێن عێراقێ بلا كورد چاڤه‌ڕێ بن به‌غدا تشته‌كێ خێرێ هه‌بیت بۆ خه‌لكێ كوردستانێ، بدیتنامن باشترین چاره‌سه‌ر ئه‌ڤه كورد خوه ڤه‌كێشن ل به‌غدا و هه‌لویسته‌كی وه‌ربگرن هه‌مبه‌ر ئه‌ڤان پێشلكاریێن د بودجه‌ی دا هاتینه‌كرن.
