وه‌زاره‌تا دارايى برياره‌كێ ل دۆر سه‌رمووچه‌ى ورێژا پاشكه‌فتا مووچه‌ى ده‌ردكه‌ت
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ، رێنمايا دارايى هژمار 7 يا سالا 2018 به‌لاڤكر.
ئه‌و رێنمايا وه‌زاره‌تا دارايى وئابوورى كو ئاراسته‌ى هه‌موو وه‌زاره‌ت وفه‌رمانگه‌هێن نه‌گرێداى ب وه‌زاره‌تان ڤه كريه، يا تايبه‌ته ب سه‌رمووچه‌ى ورێژا پاشكه‌فتا مووچێ فه‌رمانبه‌ران.
دوێ رێنمايێ دا هاتيه، فه‌رمانبه‌رێن راژا شارستانى كو سه‌رمووچێ سالا 2018 پێ دهێته دان، هه‌كه ببيته ئه‌گه‌رێ رێژا پاشكه‌فتكرنا مووچه‌ى وزێده‌كرنا وى، دێ مووچين وان هه‌روه‌كو مينن وناهێنه زێده‌كرن، ئانكو دێ رێژا پاشكه‌فتا مووچێ وان ب هه‌مان رێژا به‌رى پێدانا سه‌رمووچه‌ى بيت.
وه‌زاره‌تا دارايى دووپاتى ل سه‌ر وێ چه‌ندێ كريه كو ئه‌ڤ رينمايه ژ 1/1/2018 تاكو 31/12/2018 دێ هێته بجهئينان.
