خامنه‌یی: ترامپ دێ بیته خوارنا كرمان
ئه‌ڤرۆ نیوز:
رابه‌رێ كۆمارا ئیسلامییا ئیرانێ د گۆتاره‌كا ئاگرین دا ل دۆر خوه‌ڤه‌كێشانا ئه‌مریكا ژ رێككه‌فتنا ئه‌تۆمییا ئیرانێ ئاماژه كره دۆنالد ترامپ سه‌رۆكێ ئه‌مریكا و گۆت: كه‌له‌خێ وی زه‌لامی، ترامپی، دێ بیته خوه‌لی و خوارنا كرم و مێرییان هه‌ڤده‌م كۆمارا ئیسلامی دێ به‌رده‌وام مینیته سه‌ر پێت خوه.”
ئایه‌توللا عه‌لی خامنه‌یی بۆ جه‌ماوه‌رێ خوه ل ته‌هران گۆت: ترامپ شاشییه‌كا مه‌زن كر و ج گۆتارا خوه یا ڤه‌كێشانێ دا ده‌هـ دره‌و كرن، زه‌لامێ ژار حه‌فت ترۆلیۆن دۆلاران بۆ سه‌پاندنا هه‌ژموونا ئه‌مریكی ل ئیراق و سووریێ مه‌زاختن لێ شكه‌ستن ئینا.”
هه‌روه‌سا گۆت: ئیران دخوازیت د گه‌ل بریتانیا و فره‌نسا به‌رده‌وامیێ بده‌ته رێككه‌فتنا ئه‌تۆمی لێ ته‌هران گۆمان ل سه‌ر وان ژی هه‌یه، پێدڤییه گه‌ره‌نتییا ژێ وه‌رگریت به‌روڤاژی ئه‌و نه‌شێن ل سه‌ر رێككه‌فتنێ به‌رده‌وام بن.”