ئسرائيل و رۆسيا ل سه‌ر چاره‌نڤيسێ ئيرانێ ل سوريا دێ كۆم بن
ئه‌ڤرۆ نيوز، فاتما مزوورى:
بڕیارە وەزیرێ به‌ره‌ڤانيا ئسرائیلێ و رۆسیا رۆژا چارشەمبی رێکەفتی 31_5_2018 ل موسکۆ یا پایتەختێ رۆسیایێ كۆم ببن.
بڕياره ئەڤیگدۆر لیبەرمان وەزیرێ به‌ره‌ڤانيا ئسرائیلێ ل سەر داخوازا سێرگی شۆیکۆ سەرەدانا رۆسیا بکەت و بریارە ل دور ھەبوونا ھێزێن سەر ب کۆمارا ئیسلامی یا ئیرانێ ل سوریی ل گه‌ل رایەدارێن روسیا كۆم ببيت.
ھەڤدەم رۆژا دوشەمبیا دەرباز بووی بنیامین ناتانیاھۆ سەرۆک وەزیرێن ئسرائیلێ جارەکا دى تەکەز ل سەر ھەلوێستێ وەلاتێ خوە کر و راگەھاند: ھەبوونا ھێزێن ئیرانێ ل سوریی جھێ گەنگەشێ نینە و وەلاتێ وی ژی ب چو ئاوایەکی رازی نابيت.
ئاژانسا رویتەرز ھەروەسا ئاماژە ب وێ یەکێ دکەت كو ھەلوێستێن توند یێن روسیا پشتی وێ یەکێ تێن کو د دەمێ دەرباز بووی دا روسیا راگەھاند بوو، دڤێت تەڤایا ھێزێن بیانی ل سووریێ بهێنە ڤەکشان.
ئەڤ یەک د دەمەکی دایە كو ئیران دبێژيت، ھێزێن مە ل سەر داخوازا حوکمەتا سۆریا ل وی وەلاتی نە. ژ ئالیەکێ دن ڤه پشتی کو مالپەرێ “ئیلاف”یێ نێزيكی سعودیێ د نووچەکى دا بەلاڤ کربوو کو بەرپرسێن ئیران و ئیسرائیلی ل وەلاتێ ئوردنێ ل دۆر پرسا سۆریا كۆمبووينه و وەزارەتا دەرڤە یا ئیرانێ ژی ئه‌ڤ چه‌نده ره‌تكريه.