عومەر عامر یێ بەرھەڤە پشکەکێ ژ ھەڤبەستا خوە بۆ دھۆک بھێلیت
ئەڤرۆ:
یاریکەرێ تیما باسکت بۆلا یانا دھۆک دیارکر ئەو یانا دھۆک بجە ناھێلن بۆ خاترا جەماوەر و کارگێریا یانێ لێ سەرەرای ڤێ چەندێ ژی چو کار بەلاش نینن و یێ بەرھەڤە پشکەکێ ژ بھایێ ھەڤبەستا خوە بۆ یانێ بھێلیت.
زێدەتر عومەر عامر د دیدارەکێ دا بۆ رۆژناما ئەڤرۆ گۆت: ئەڤ قەیرانا نوکە کارگێریا یانێ تێدا دەرباز دبیت دێ کارتێکرنا خوە ل ئاستێ تیما باسکت بۆلێ کەت و دڤان کاودانان دا تیم دێ ھەڤرکیا ب دەستڤە ئینانا ناسناڤێ خولێ ژدەست دەت و دیسان دەرونێ یاریکەران ژی ھەتا رادەکی ھاتیە تێکدان پشتی راھێنەرێ تیمێ بێ ئاگەھداری بجە ھێلای.
ناڤبری ئەو چەندە ژی ئاشکرا کر کو ئەو یێ بەرھەڤ نینە تیما دھۆک د ڤان کاودانان دا بجە بھێلیت ژ بۆ خاترا جەماوەر و کارگێریا یانێ، لێ رامانا وێ ئەو نینە دێ بێ بەرامبەر یاریێ کەت تنێ یێ بەرھەڤە پشکەکێ ژ بھایێ ھەڤبەستا خوە بۆ یانێ بھێلیت داکو بارگرانی ل سەر کارگێریا یانێ سڤک بیت.