توركيا: دێ له‌شكرێ خوه ل عيراقێ زێده كه‌ين
ئه‌ڤرۆ نيوز، فاتما مزوورى:
سه‌رۆكوه‌زیرێن توركيا بینالی یلدرم ئاشكه‌را كر كو 11 بنگه‌هێن له‌شكریێن توركيا ل ناڤا عيراقێ هه‌نه و ئەو دخوازن هژمارا له‌شكرێن خوه ل عيراقێ زێده بكه‌ن.
ل گۆری نووچه‌یه‌كێ رۆژناما حوڕیه‌ت یا توركی، سه‌رۆكوه‌زیرێن توركيا گۆتیه: “ئه‌م دێ هێزێن خوه یێن له‌شكری ل باكورێ عيراقێ (هه‌رێما كوردستانێ) دو جاركى هندى به‌رێ زێده‌تر لێ كه‌ين و نوكه 11 بنگه‌هێن مه یێن له‌شكری يێن ل وێرێ هه‌ين.
زێده‌رت گۆت: ئارمانجا مه ئەوه كو ئەم گه‌فا “تيرۆرێ” ژ سنۆرێن خوه دوور بكه‌ين.
د وێ راپۆرتێ دا هاتیه: ئه‌نقه‌ره دخوازيت ل گه‌ل به‌غدا رێكه‌فتنه‌كێ بكه‌ت و ب پێكڤه ئوپه‌راسیۆنه‌كێ ل دژی په‌كه‌كێ بكه‌ن.
ده‌رباره‌ى سنۆرێن توركيا ل گه‌ل وان ده‌ڤه‌رێن كو نها د ده‌ستێ یه‌په‌گێ و په‌كه‌كێ دا نه ل رۆژاڤا و باشوورێ كوردستانێ، یلدرم گۆت: نها 250 كیلۆمه‌تر ژ سنۆران هاتينه پاراستن، به‌لێ هێشتا ئاريشێن مه ل گه‌ل هزار كیلۆ مه‌ترێن دى هه‌نه.
هێرشێن توركيا ل سه‌ر ئاخا هه‌رێما كوردستانێ ب به‌هانا هه‌بوونا په‌كه‌كێ، كارڤه‌دانێن جودا ل جه‌م خه‌لكێ كوردستانێ ل ده‌ف خوه هێلاينه و حوكمه‌تا عيراقێ ژی، بێده‌نگی هه‌لبژارتیه.