سەرۆک بارزانی پۆستێ سه‌رۆك كۆمارێ عێراقێ ره‌تكریە
ئەڤرۆ نیوز ، زنار تۆڤی :
رۆژناما حه‌یات یا له‌نده‌نی به‌لاڤكریه ، کو سه‌رۆک بارزانی پۆستێ سه‌رۆك كۆمارێ عێراقێ ره‌تكریه.
رۆژنامه‌یا حه‌یات د هژمارا خوه یا ئه‌ڤرۆ دا ، راپۆرته‌ك لدۆر گۆتوبێژێن پێكئینانا حوکمه‌تا نوو یا عێراقێ به‌لاڤكریه و تێدا ل سه‌ر زارێ دو سه‌ركردێن پارتی دیارکریە : کو گۆتوبێژێن پێكئینانا حوکمه‌تا عێراقێ یا ئالۆزە و چو رژدی تێدا ناهێتە دیتن.
هەروەسا وان سه‌ركردێن پارتی بۆ رۆژناما حه‌یات دیاركریه ، کو سه‌رۆك مه‌سعوود بارزانی پۆستێ سه‌رۆک كۆمارێ عێراقێ ره‌تكریه ، ژبه‌ركو بارزانی لدووڤ پۆستان ناگه‌ریت ، به‌لكو پرسا هه‌ری گرنگ بۆ بارزانی، گره‌نتیكرنا مافێن گه‌لێ كوردستانێ یه.
هه‌روه‌سا وێ رۆژنامێ گوتیە : پێشنیازا وه‌رگرتنا پۆستێ سه‌رۆك كۆماری د كۆمبوونا سه‌ركرداتیا پارتی دا هاتبوو كرن ، لێ ژ لایێ سه‌رۆك بارزانی ڤه هاتیه ره‌تكرن.
دیسا رۆژناما حه‌یات یا لەندەنی پێشتر ژی راگه‌هاندبوو ، کو هه‌ر ئێک ژ د. فوئاد مه‌عسووم سه‌رۆك كۆمارێ نوکە و وه‌زیرێ به‌رێ یێ ژێده‌رێن ئاڤێ یێ عێراقێ به‌ربژارێن پۆستێ سه‌رۆك كۆماری نه ، لێ هەتا نوکە ئه‌ڤ چەندە ئێكلا نه‌بوویه ، ژبه‌ركو پۆستێ سه‌رۆك كۆماری ژی مه‌رج نینه ژبۆ ئێكه‌تیا نیشتیمانی بیت.