ماره‌كێ هه‌شت مترى ژنه‌كێ دادعويريت
ئه‌ڤرۆنيوز:
ماره‌كێ هه‌شت مترى ل گوندێ مابولۆ ل پارێزگه‌ها مۆنا ل وه‌لاتێ ئه‌ندنوسيا ژنه‌كێ دادعويريت ومالپه‌رێ ده‌يلى مه‌يل يێ بريتانى وێنێن وى مارى به‌لاڤ دكه‌ت.
ل دووڤ وى مالپه‌رێ بريتانى، پشتى گرتنا وى مارى ژلايێ خه‌لكى وى گوندى ڤه، ته‌رمێ وێ ژنێژ زكێ وى دئيننه ده‌ر.
به‌لاڤكر ژى، ناڤێ وێ ژنێ (واتيبا) يه وژيێ وێ 54 سال بوون وچه‌ند رۆژ بوو ژنشكه‌كێ ڤه دناڤ مالا خوه دا به‌رزه‌ببوو، تاكو پاشى ل ناڤ زكێ وى مارى ئينايه ده‌ر.
دو كۆرێن وێ ژنى پشتى لێگه‌ريانه‌كا زۆر، كته‌كا نعالا دايكا خوه ب دووريا 30 متران ژ مالا خوه دبينن كو ل بن داره‌كێ بوو كو چه‌ق وتايێن وێ دارى دشكه‌ستى بوون وماره‌كێ هه‌شت مترى ل سه‌ر دارێ ديت كو قه‌بارێ زكێ وى ب شێوه‌كێ نه‌ئاسايى يێ مه‌زن بوو.
پشتى وان ئاگه‌هداريا پۆليس وخه‌لكێ گوندى كرى شيان وى مارى بگرن وته‌رمى دايكا وان ژ زكێ وى ده‌ربێخن.
