رۆنکرنەک ژ ئاسایشا هەولێرێ
ئەڤرۆ نیوز:
ئاساییشا پارێزگه‌ها هه‌ولێرێ راگه‌هاندنه‌ك به‌لاڤ كر و دیار كر، هێرشا سه‌ر پارێزگه‌هێ ب داوی هات و هه‌ر سێ چه‌كدار هاتن كوشتن و خزمه‌تگوزاره‌كێ پارێزگه‌هێ ژی شه‌هید بوو.
ئاساییشا هه‌ولێرێ دایه زانین، ئه‌ڤرۆ سعه‌ت حه‌فت و دوازده خوله‌كی سپێدێ، سێ چه‌كداران هێرشی باره‌گه‌هێ پارێزگه‌ها هه‌ولێرێ كر و هه‌ر زوو هێزێن ئاسایشێ دۆرپیچا باره‌گه‌هی كر و پاشان شیان خوه بگه‌هیننه د ناڤا پارێزگه‌هێ دا و پشتی شه‌ڕه‌كێ پێنج سەعه‌تی، هێرش ب داوی هات و هه‌ر سێ چه‌كدار هاتن كوشتن.
دایه زانین كو د هێرشێ دا خزمه‌تگوزاره‌كێ پارێزگه‌ها هه‌ولێرێ شه‌هیدبوویه و هه‌موو كارمه‌ندێن هێزێن ئێمناهییێ ژی ب سلامه‌تن و تنێ پۆلیسه‌ك ب سڤكی بریندار بوویه.
ئاساییشا هه‌ولێرێ، وه‌لاتی ژی پشتراستكرینه كو ئێمناهییا هه‌ولێرێ ب ته‌مامی پاراستییه و هه‌موو هێزێن ئێمناهیێ بۆ هه‌ر ئه‌گه‌ره‌كی د ئاماده‌باشیێ دانه.
