ب ڤیدیۆ -ژڤانێ دووماهيێ يێ چێكرنا جوتسایدێ (دێره‌لوك-شێلادزێ) هاته دیاركرن
ئه‌ڤرۆ نیوز، نه‌وزاد هلۆرى:
جوتسایدێ (دێره‌لوك – شێلادزێ) كو ب ئێك ژ پرۆژێن گرنگ و ستراتیژى دهێته هژمارتن به‌ر ب دووماهیێ ڤه دچیت و هه‌تا نوكه 85% ژێ هاتيه تمامكرن، رێڤه‌به‌رێ ناحیا دێره‌لوكێ ژى ژڤانێ ب دووماهى هاتنا وێ ئاشكرا دكه‌ت.
شوفێرێن ده‌ڤه‌رێ دیاركرن كو پرۆژێ جوتسایدى (دێره‌لوك – شێلادزێ) ئێكه ژ پرۆژێن گرنگ و ب دووماهى هاتنا وى، دێ سه‌ر و سيمایه‌كێ جوان ده‌ته ده‌ڤه‌رێ و خزمه‌ته‌كا باش بۆ شوفێر و خه‌لكێ ده‌ڤه‌رێ كه‌ت، به‌لێ گیروبونا پرۆژه‌ى بهوویه ئه‌گه‌ر كو ئه‌و دلگران بن و دخوازن ب زووترین ده‌م پرۆژه ب دووماهى بهێت.
رێڤه‌به‌رێ ناحیا دێره‌لوكێ ژى خوياكر كو 85% ژ پرۆژه‌ى يێ ب دووماهى هاتی ول دووماهيا هه‌یڤا 10 یا ئه‌ڤ ساله دێ جوتسایدێ (دێره‌لوك –شێلادزێ) كه‌ڤیته دخزمه‌تا وه‌لاتیان دا.
درۆست نه‌كرنا پارچه‌كێ ژ ده‌ستپێكا جوتسایدێ شێلادزێ بوویه جهێ دلگرانیا شوفێر و وه‌لاتیان ئه‌و ژى چونكى هه‌تا نوكه د پرۆژه‌ى دا نینه كو بهێته‌كرن، و دڤى واریدا رێڤه‌به‌رێ ناحیا شێلادزێ ژى دیاركر كو بریارا درۆستكرنا 1كم ژ وێ پارچا ماى كه‌فتیه دوارێ بجهئينانێ دا و نوكه كار ل سه‌ر دهێته‌كرن، دیسان 800مترێن دى ژى دیزاین بۆ هاتیه‌كرن و ل ده‌مه‌كێ نێزيك دێ كار ل سه‌ر هێته‌كرن و ب چێكرنا وێ پارچێ، ئێدى رێیا سه‌ره‌كى یا گه‌هشتنا شێلادزێ هه‌موو دێ بیته جوتساید.
