شاندێ پارتى وئێكه‌تى يێ ل به‌غدا
ئه‌ڤرۆنيوز:
نڤيسينگه‌ها راگه‌هاندنێ ل سه‌رۆكاتيا كۆمارا عيراقى به‌لاڤكر كو ئه‌ڤرۆ ئێكشه‌مبى 26/8/2018 فوئاد مه‌عسووم سه‌رۆك كۆمارا عيراقێ ل به‌غدا پێشوازى ل شاندێ پارتى ديموكراتى كوردستان وئێكه‌تى نيشتمانى كوردستان كر.
نڤيسينگه‌ها سه‌رۆكاتيا كۆمارا عيراقێ ل دووڤ (بغداد اليه‌م) به‌لاڤكر “دكۆمبوونێ دا به‌حس ل پێدڤيا داخوازكرنا جڤاتا نوونه‌ران يا نوو بۆ روونشتنێ دده‌مێ دستوورى يێ دياركرى دا وه‌كو ده‌ستپێكه‌ك بۆ پێكئينانا حوكمه‌تا عيراقى يا نوو ل دووڤ ده‌مێن دستوورى يێن دياركرى”.
به‌لاڤكر ژى” هه‌ردو لايه‌نان به‌حسێ پێشهاتێن سياسى ل هه‌رێما كوردستانێ وعيراقێ كر وچاوانيا هه‌ڤكاريێ دناڤبه‌را هه‌موو لايه‌نێن پرۆسا سياسى دا” .
شاندێ پارتى ديموكراتى كوردستان ب سه‌رۆكاتيا فازل ميرانى سكرتێرێ مه‌كته‌با سياسى بوو وشاندێ ئێكه‌تيێ ب سه‌رۆكاتيا مه‌لا به‌ختيار به‌رپرسێ ده‌سته‌يا كارگێرى ل مه‌كته‌با سياسى بوو.
