پێشمه‌رگه ل لايێ شنگال د پێشره‌ويێ دايه
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ هێزێن پێشمه‌رگه‌يى راگه‌هاند كو شه‌ر د ناڤبه‌را هێزێن پێشمه‌رگه‌يى و چه‌كدارێن داعش دا يێ به‌رده‌وامه ل نێزێك عوێنات و ژ لايێ دژى يێن نێزيكى سنونێ بووين.
ژێده‌ره‌كێ هێزا زێره‌ڤانيێ كو ئه‌ڤرۆ نيوز پاراستن ل سه‌ر به‌لاڤكرنا ناڤێ وى كريه دياركر كو پێشمه‌گه ل پشتا عوێنان يێ د شه‌ره‌كێ دژوار دا ل گه‌ل چه‌كدارێن داعش و ئازادكرنا سنونێ ژى ژ لايێ دى ڤه يا نێزيك بووى.
ئه‌ڤى فه‌رماندێ هێزێن زێره‌ڤانيێ ئاماژه ب وێ چه‌ندێ ژى كر كو پێشمه‌رگێ كوردستانێ ل شه‌رفه‌دين ژى يێن كۆمبووين و ئاماده‌كاريێن چوونا ناڤ شنگالێ دكه‌ن.
دا زانين ژى كو ژ لايێ سنونێ ژى ڤه چو تشتێ وه‌سان نه‌مايه دێ هێته كونترۆلكرن و گۆت: “نوكه وه‌كو له‌شكرى رێيا چيايێ شنگال يا هاتيه ڤه‌كرن، به‌لێ هه‌تا نه‌هێته پاقژكرن، ئاواره نه‌شێن ژ سه‌رێ چيايى بهێنه خوار”.
نه‌ڤه‌شارت ژى كو هژماره‌كا ئێكجار يا چه‌كدارێن داعش هاتينه كوشتن و هنده‌ك ژى ب ساخى كه‌فتينه ده‌ست پێشمه‌رگه‌يى.
