حه‌شدا شه‌عبى كێشان بۆ خه‌لكێ مووسلێ دروست دكه‌ت
ئەڤرۆنيوز:
بەرپرسەكێ پارتی دیموكراتی كوردستان ل سنورێ مووسلێ راگەهاند،حەشدا شەعبی وەكو بەری هاتنا داعشێ خەلكی گازی دكەت وگەفان لێ دكەت وپارەی ژێ وەردگریت، ڤێ چەندێ ژی وەكریە سەرمایەدارێن مووسلێ بترسن، لەوما ژ مووسلێ بەر ب هەرێما كوردستانێ درەڤن.
محیەدین مزووری، بەرپرسێ پەیوەندیێن لقێ 14 یێ پارتی گۆت” حەشدا شەعبی ل مووسلێ كێشێن زۆر بۆ خەلكی دروست دكەن وگازی دكەن بۆ بارەگایێن خوە وگەفان لێ دكەن وپاران ژێ وەردگرن وەكو چاوان بەری هاتنا داعشێ ل سالا 2014، نوكە هەمان سیاسەت ل مووسلێ دووبارە دكەن، لەوما زەنگینێن مووسلێ دترسن وجارەكادی بەر ب هەولێرێ ودهۆكێ دهێن.
گۆت ژی” حەشدا شەعبی ل دەڤەرا بازوایا وگوگجەلی وتلكێفێ كو پێكهاتە ل وان دەڤەرانە، گەلەك كێشە بۆ خەلكێ وان دروست كرینە ورێگریێ ل هاتنوچوونا مەسیحیان دكەن ل باژێرەكی بۆ ئێكێ دی وهەتا كێشان بۆ ئیداران ژی دروست دكەن وەكو تلكێفێ وحەمەدانیە وباشیكێ وبەرتەلە وحەشدا شەعبی خوە ل سەر وێ دەڤەرێ یا سەپاندی”.
ناڤبری بەحسێ وێ چەندێ ژی كر”ل دەڤەرێن دەشتا نەینەوا ل بەرتەلە وحەمەدانیە وباشیكێ، حەشدا شەعبی چەندین بنكە ڤەكرینە و فەرمانێن خوە ل سەر خەلكی ب زۆرێ بجه دئینن”.