ل قوتابخانەکا ئاکرێ پرۆژەکێ ئۆنلاین و پەرتووکخانەک ھاتنەڤەکرن
ئەڤرۆ نیوز،سەباح زوھێر زێباری:
ئاراس حامد رێڤەبەرێ قوتابخانا گۆلان ل ئاکرێ بۆ ئەڤرۆنیوز دیارکر، کو ڤەکرنا پەروکخانێ و پروژێ ونلاین پێنگاڤەکا باشە و ئەڤە بۆ ماوێ دوو سالانە ئەم مژولی ئەپلیکێشنەکێ نە بۆ قوتابخانێ ب شێوەکێ(ئۆنلاین) کو ل دەمێ دایک و باب قەستا قوتابخانێ دکەن ھەمی زانیاریێن قوتابی تێدانە و ھەر قوتابیەکێ پروفایلەکێ تایبەت بخۆڤە ھەیە، ب ڤێ چەندێ چو شاشی دروست نابن و رێکەکا باشە دناڤبەرا قوتابی و قوتابخانێ و سەمیانێن قوتابیان و ھەر کێشەکا دروست بیت دنمرێ دا یان خێزانا وان نەرازی بن وی دەمی دێ ب ڤێ رێکێ ھەمی تشتێن قوتابی نیشا سەمیانێن وان دەین.
خەلیل قادر رێڤەبەرێ پەروەردا قەزا ئاکرێ ژی دیاردکەت کو ئەڤ پروژێ ونلاین د قوتابخانێ دێ پێنگاڤەکا باش بیت و دێ پەیوەندیەکا باش دروست بیت، ئەو دشێن ب رێکا ڤی پروژەی د مالدا چاڤدێریا زارۆکێن خوە بکەن و ئاستێ وی بزانن و ھەمی زانیاریا ل سەر بزانن و دشێن گازندێن خوە ژی بۆ قوتابخانێ فرێکەن، ژ ئالیەکێ دیڤە دێ نمرێن قوتابی ژی پاراستی بن و کەس نەشێت دەستکاریێ تێدا بکەت، چونکی ھندەک جارا گازندا وێ چەندێ ھاتیەکرن کو دەستکاری یا ل نمرا قوتابی ھاتیەکرن، لێ ئەڤ چەندە بەلگەکێ بھێزە بۆ چارەکرنا ڤێ چەندێ و ئەڤ پروژە دێ کەڤیتە وارێ جێبەجێکرنێ دا ل قوتابخانێ و ئەگەر مە دیت ئەنجامەکێ باش ئینا وی دەمی ئەم دێ ھەولدانا کەین کو ل سەر قوتابخانێن دی ژی ڤی پروژەی دروست بکەین.