ئه‌ڤرۆ كۆمبوونه‌ك ل دۆر گه‌نگه‌شه‌كرنا بودجێ دێ هێته ئه‌نجامدان
ئه‌ڤرۆ نیوز، ئازاد نسری:
بڕیاره ئه‌ڤرۆ 19/11/2018 لیژنا تایبه‌ت یا جڤاتا وه‌زیرێن عیراقێ بۆ گه‌نگه‌شه‌كرنا پرۆژه‌قانوونا به‌دجا سالا 2019 سه‌ره‌دانا په‌رله‌مانی عیراقێ بكه‌ت و ل گه‌ل لیژنا دارایی كۆم ببیت.
ل دووڤ زانیاریێن ئه‌ڤرۆ نیوز كوردان نه‌ه خال وه‌ك ماف و داخوازی بۆ گوهۆڕینانان د پرۆژه قانوونا بودجێ دا به‌رهه‌ڤ كرینه، ئه‌و ژی ئه‌ڤه.
1. گوهۆڕینا چه‌مكێ پارێزگه‌هان ب هه‌رێما كوردستانێ.
2. گوهۆڕینا به‌هرا هه‌رێمێ ژ بودجێ بۆ 17%.
3. به‌هرا هه‌رێمێ ژ مه‌زاختیێن سیادی.
4. 17% یا به‌هرا هه‌رێما كوردستانێ ژ قه‌رێن سیادی.
5. به‌هرا كه‌سوكارێن شه‌هید و ئه‌نفالكری و زیدانیێن سیاسی.
6. به‌هرا چاڤدێریا جڤاكی یا هه‌رێما كوردستانێ.
7. به‌هرا هه‌رێما كوردستانێ ژ بودجا كاره‌ساتێن ژ نشكه‌كێ ڤه.
8. به‌هرا داموده‌زگه‌هێن هه‌رێما كوردستانێ ل به‌غدا.
9. به‌هرا هه‌رێما كوردستانێ ژ مه‌زاختیێن وه‌زاره‌تا په‌ترۆلێ و گرێبه‌ستێن وێ.
هه‌ژی گۆتنێ یه كو سوننه و پتریا شیعان پرۆژه قانوونا بودجێ ره‌ت دكه‌ن، هه‌موویان خوه به‌رهه‌ڤكریه د كۆمبوونا ئه‌ڤرۆ دا گوهۆڕین د پرۆژه قانوونا بودجێ دا بهێنه كرن، به‌روڤاژی رێ ناده‌ن ل په‌رله‌مانی خواندن بۆ بهێته كرن.