بژارتنا ماسيان ب داران ل هه‌ولێرێ دهێته قه‌ده‌غه‌كرن
ئه‌ڤرۆنيوز:
ل پارێزگه‌ها هه‌ولێرێ بژارتنا ماسيان ب داران هاته قه‌ده‌غه‌كرن وخودانێ هه‌ر جهه‌كێ بژارتنا ماسيان ب داران ڤێ بريارێ بجه نه‌ئينيت دێ جهێ وى هێته داخستن.
ل دووڤ نڤيسارا قايمقاميا قه‌زا ناڤه‌ندا هه‌ولێرێ يا هژمار 10518 ل 27/11/2018 كو هاتيه ئاراسته‌كرن بۆ هۆبا چاڤدێريا ساخله‌مى ل رێڤه‌به‌ريا كاروبارێن ساخله‌مى ل هه‌ولێرێ وتێدا دووپاتيێ ل نڤيساره‌كا خوه يا به‌رى نوكه دكه‌ت كو تێدا هاتيه” ئاگه‌هداريا هه‌موو رێڤه‌به‌ريێن باژێرڤانيێن سنورێ پارێزگه‌ها هه‌ولێرێ هاتيه كرن ئه‌و خوارنگه وجهێن ماسى ب شێوازێ (سوتنا داران) به‌رهه‌ڤ دكه‌ن، ژ نوكه وپێڤه نابيت ب چو شێوه‌كى دار بهێته بكارئينان بۆ بژارتنا ماسيان، به‌رۆڤاژى ڤێ چه‌ندێ جهێن وان دێ هێنه داخستن”.
قايمقاميا قه‌زا ناڤه‌ندا هه‌ولێرێ ل دۆر ئه‌گه‌رێن وێ بريارێ ، دبێژيت” ژبۆ پاراستنا ساخله‌ميا وه‌لاتيان وپاراستنا ژينگه‌هێ ودارستانان كو سامانه‌كێ نيشتمانى نه”.
