خولێکدانا زاخۆ بەر ب بەغدا چوو
زاخۆ، عەلی حاجی:
ئەڤرو ل دەمژمێر ٤ی سپێدێ تیما خولێکدانا زاخۆ ب مەرەما پشکداری کرن د قارەمانیا خولێکدانا عیراقێ بەر ب باژێرێ بەغدا ڤە چوو.
ل دور ڤێ پشکداریێ رەمەزان حەسەن راھێنەرێ یانا زاخو بۆ ئەڤرو نیوز گۆت: ل سەر ئاستێ پێگەھشتی و پێشکەڤتیان دێ پشکداریێ وێ قارەمانیێ بین و وەسا بریارە ھەمی یانێن ئێراقێ پشکداربن و ب شێوەیەکێ گشتی دێ قارەمانیەکا ب ھێز بیت و مە بەرھەڤیێت باش کرینە ژبو ب دەست ڤە ئینانا ئەنجامەکێ باش و ھە دریسان مە باوەرەیکا باش ب یاریزانێت خوە ھەیە.
ناڤھاتی زێدەتر دبێژیت : قارەمانی بو ماوێ دوو روژان دێ یا بەردەوام بیت و ھەر ئەڤرۆ روژا پێنچ شەمبێ دێ دەست ب ھەڤرکیێن قارەمانیێ ھێتە کرن و تیمێن رێزا ئێکێ ب دەست خوە ڤە بینت دێ ب ناڤێ ھەلبژارتیێ ئێراقی پشکداریێ د قارەمانیا روژئاڤایێ ئاسیا دا بیت.