ئه‌ردوگان دێ سه‌ره‌دانا عيراقێ كه‌ت
ئه‌ڤرۆ نيوز:
ئه‌ڤرۆ د به‌ياننامه‌كێ دا، وه‌زاره‌تا ژ ده‌رڤه يا عيراقێ راگه‌هان، ب ڤان نێزيكان سه‌رۆك كۆمارێ توركيا دێ سه‌ره‌دانا عيراقێ كه‌ت.
وه‌زاره‌تا ژ ده‌رڤه يا عيراقێ د وێ به‌ياننامێ دا ئاشكه‌را ژى كر كو كۆمبوونا محه‌مه‌د عه‌لى حه‌كيم وه‌زيرێ ژ ده‌رڤه يێ عيراقێ و مه‌ولود چاوشئۆغلۆ وه‌زيرێ ژ ده‌رڤه يێ توركيا به‌حس ل چه‌ندين ته‌وه‌رێن تايبه‌ت ب هه‌ردولايان كريه.
هه‌ر د وێ راگه‌هاندنێ به‌حس ل وێ چه‌ندێ ژى هاتيه كرن، وه‌زيرێ ژ ده‌رڤه يێ عيراقێ داخواز ژ توركيا كريه د پرۆسا ئاڤه‌دانكرنا ده‌ڤه‌رێن كونترۆلكرى يێن عيراقێ دا رۆلى بگێرن و هاريكاريا عيراقێ بكه‌ن.
ژ لايێ خوه ڤه ژى مه‌ولود چاوشئۆغلۆ راگه‌هانديه كو توركيا دوسته‌كێ هه‌رده‌مى هاريكارێ عيراقێ يه، ئه‌نقه‌ره و به‌غدا دێ به‌ره‌يه‌كێ گرنگ و سه‌قامگيرێ ده‌ڤه‌رێ بن، هه‌ڤده‌م هه‌ردولا رێكه‌فتينه كو د چارچۆڤێ لژنا عيراقى-توركى درێژيێ بكارێن خوه بده‌ن.
