مەسرور بارزانی دێ پشكداريێ دكۆنگرێ ئاسايشا جيهانى ل مونشن كه‌ت
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ب داخوازنامه‌كا فه‌رمى يا حوكمه‌تا ئه‌لمانيا، ئه‌ڤرۆ پێنجشه‌مبى 14/2/2019 گه‌هشته باژێرێ مونشن بۆ پشكداريێ دكونگرێ ئاسايشا جيهانى دا كو برياره سوباهى ئه‌ينيێ ئه‌و كۆنگره ده‌ست پێ بكه‌ت وبۆ ده‌مێ دو رۆژان يێ به‌رده‌وام بيت.
برياره دچارچۆڤێ وى كۆنگره‌ى دا، مه‌سرور بارزانى چه‌ندين ديدار وچالاكيان ل گه‌ل شندێن دبلوماسى وئه‌منى وپه‌رله‌مانتارێن وه‌لاتێن پشكدار ئه‌نجام بده‌ت.
كۆنگرێ ئاسايشێ ل مونشن مه‌زنترين كۆنگرێ ئاسايشا جيهانێ يه وزێده‌تر ژ 35 سه‌رۆكێن وه‌لاتان وسه‌رۆك وه‌زير تێدا پشكدار دبن ل گه‌ل زێده‌تر ژ 600 كه‌سايه‌تى ونوونه‌رێن وه‌لاتان وكه‌سانێن بريارده‌ر وخودان ئه‌زموون دبوارێ ئاسايشێ وب رێڤه‌برنا ده‌وله‌تێ دا.
