سه‌رۆكه‌كێ نوو بۆ ئۆپۆزسيۆنا سوريێ هاته دانان
ئه‌ڤرۆ نيوز، مه‌سعود خه‌له‌ف:
جڤاتا گشتی یا هه‌ڤپه‌یمانا نشتیمانی یا نه‌ته‌وی یا سووری خالد خوجه وه‌كو سه‌رۆكێ نوو یێ هه‌ڤپه‌یمانیێ هلبژارت دا كو بكه‌ڤیته شوونا سه‌رۆكێ به‌ری هادی به‌حره یێ كو ده‌ما سه‌رۆكاتیا وی ب دووماهی هاتبوو.
خوجه 56 ده‌نگ ب ده‌ستخوه‌ڤه ئینان و هه‌ڤركێ وی نه‌سر حه‌ریری 50 ده‌نگ وه‌رگرتن.
ئه‌ڤ ئێكه هات پشتی گرێدانا چه‌ندین كومبوونان ل ئیسته‌نبولێ، و هێشتا ژی نه‌یێ دیاره كا هه‌ڤپه‌یمان سووری دێ به‌شداری د دانوستاندنێن كو دێ ل روسیا هێنه كرن بكه‌ت یان نا، ئه‌وا كو دێ ل 26 ێ ئه‌ڤێ هه‌یڤێ بهێنه ئه‌نجامدان.
خالد خوجه، ژ دایك بوویێ ديمه‌شق، 4/7/1965 خواندنا خوه ل ديمه‌شقێ كر و چه‌ندین جاران ل ده‌مێ خواندنێ هاتیه گرتن ل ده‌مێ ده‌ستهلاداریا حافز ئه‌سه‌دی. پشتی هاتیه به‌ردان، چوو لیبیا خواند و ژ وێرێ چوو توركیا و زانستێن سیاسی خواند و پاشی چو زانكۆیا ئه‌زمیرێ و ده‌ست ب خواندنا نوشداری كر.
