جێگرێ سه‌رۆكێ په‌رله‌مانێ عيراقێ به‌حسێ هنارتنا مووچێ خه‌لكێ كوردستانێ دكه‌ت
ئه‌ڤرۆنيوز:
جێگرێ دويێ يێ سه‌رۆكێ په‌رله‌مانێ عيراقێ راگه‌هاند، هه‌ر ژ ده‌ستپێكێ مه گۆتبوو كو ئێك ژ ئارمانجێن مه دروستكرنا په‌يوه‌نديێن دناڤبه‌را هه‌رێمێ وبه‌غدايه وچاره‌كرنا هه‌موو كێشێن هه‌لاويستى.
به‌شير حه‌داد، جێگرێ دويێ يێ سه‌رۆكێ په‌رله‌مانێ عيراقێ، ل دووڤ نڤيسينگه‌ها وى يا راگه‌هاندنێ، دديداره‌كێ دا دبێژيت” حوكمه‌تا عيراقێ تانه ل سه‌ر چ برگه ومادێن قانوونا بودجێ نه‌بوو، چونكى به‌رى ده‌نگ ل سه‌ر برگه ومادێن پرۆژه‌ى بهێته دان، حوكمه‌تا عيراقێ رازيبوونا خوه ل سه‌ر دابوو كو ئه‌ڤه ب خاله‌كێ ئه‌رێنى دهێته هژمارتن”.
به‌شير حه‌داد گۆت ژى” كوهۆرينێن باش د بۆچوونا لايه‌نێن عيراقى به‌رامبه‌ر هه‌رێما كوردستانێ يێن په‌يدا بووين”.
دياركر ژى” پێدڤيه سه‌ره‌دانا سه‌رۆك بارزانى بۆ به‌غدا ژبيرنه‌كه‌ين، چونكه كار بۆمه ب ساناهى كرن”.
ئاماژه دا” مه ب قانوونێ پشكا بودجا هه‌رێما كوردستانێ ديار كريه، له‌وما پێدڤيه خه‌لكێ كوردستانێ پشت راست بن كو مووچه دێ بۆ هێته هنارتن وگره‌نتيا وێ چه‌ندێ ژى قانوونا بودجه‌يه”.
