ب وێنه: دهۆكيه‌ك به‌ربژاره بۆ پۆستێ سه‌رۆكاتيا په‌رله‌مانێ كوردستانێ
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ نه‌وه‌ى نوێ راگه‌هاند كو ئه‌وان دێ به‌ربژار بۆ هه‌رسێ پۆستێن سه‌رۆكاتيا هه‌رێمێ هه‌بن و بۆ پۆستێ سه‌رۆكاتيا په‌رله‌مانى دهۆكيه‌ك به‌ربژار كريه.
ئه‌وى ژێده‌رى كو نه‌ڤيا ناڤێ خوه ئاشكه‌را بكه‌ت بۆ ئه‌ڤرۆ نيوز گۆت: “نه‌وه‌ى نوێ دێ بۆ هه‌رسێ پۆستێن سه‌رۆكاتيا په‌رله‌مانێ كوردستانێ به‌ربژار هه‌بن”.
ئاشكه‌را ژى كر كو سيپان ئامێدى بۆ پۆستێ سه‌رۆكاتيا په‌رله‌مانى و كاوه عه‌بدولقادر بۆ جێگرێ ئێكێ و مژده مه‌حمود بۆ جێگرا دويێ د به‌ربژارن.
ئه‌ڤه د ده‌مه‌كى دايه كو دێ هه‌لبژارتنا سه‌رۆكاتيا په‌رله‌مانى ب رێكه‌فتن هێته هه‌لبژارتن ب ره‌نگه‌كى سه‌رۆكا په‌رله‌مانى بۆ پارتى و جێگره‌ك بۆ پارتى و ئێك ژى بۆ توركمانان.
ئێكه‌تى نشتيمانى كوردستان هێشتا بڕيار نه‌دايه پشكدارى كۆمبوونا په‌رله‌مانى بيت و دبێژيت كو هه‌تا پارتى رێكه‌فتنێ ئيمزا نه‌كه‌ت ئه‌و پشكدار نابن و هه‌كه وان به‌ربژێر نه‌بيت و كه‌سێ دى خوه به‌ربژار نه‌كه‌ت ل وى ده‌مى سيپان ئامێدى بێ هه‌لبژارتن دێ بيته سه‌رۆكێ په‌رله‌مانى و هه‌كه رێكه‌فتن ژى هاته كرن، ل وى ده‌مى دێ ب رێكه‌فتن كه‌سه‌ك هێته هه‌لبژارتن.
