ئه‌مریكا:هه‌كه به‌غدا داخواز بكه‌ت دێ هێزێن خوه ژ عيراقێ ڤه‌كێشين
ئه‌ڤرۆنيوز:
باليۆزخانا ئه‌مريكى ل به‌غدا راگه‌هاند، هێشتا عيراقى دئاماده نينن بۆ پارێزگاريكرنێ ژ ئاسايشا وه‌لاتێ خوه، دياركر ژى، هه‌كه به‌غدا داخواز بكه‌ت، واشنتۆن يا به‌رهه‌ڤه هێزێن خوه ژ عيراقێ ڤه‌كێشيت.
جۆ هوود، كاربرێڤه‌به‌رێ باليۆزخانا ئه‌مريكى ل به‌غدا گۆت” هێزێن ئه‌مريكى ل سر داخوازيا حوكمه‌تا عيراقێ يێن ناڤ ئاخا عيراقێ دا وهه‌كه حوكمه‌تا عيراقێ داخواز ژێ بكه‌ت ئه‌و هێز وهێزێن هه‌ڤپه‌يمانيا نێڤده‌وله‌تى وهێزێن ناتۆ، دێ ئاخا عيراقێ بجه هێلن”.
هوود ئاماژه كر كو هه‌تا نوكه هێزێن ئه‌منى يێن عيراقى دئاماده نينن ونه‌شێن ئاسايشا عيراقێ بپارێزن، هه‌كه ب هاريكاريا هيزێن بيانى نه‌بيت كو يێن دناڤ ئاخا عيراقێ دا.
گۆت ژى”ئه‌مريكا بنگه‌هێن له‌شكرى ل عيراقێ نينن، به‌لكو راهێنه‌ر وشيره‌تكارێن له‌شكرى ل عيراقێ يێن هه‌ين”.
