28 قوتابیێن كولیژا په‌روه‌ردا ئامێدیێ ژه‌هراوى بوون
ئه‌ڤرۆ نیوز، نه‌وزاد هلۆرى:
ئه‌ڤرۆ به‌رى مه‌غره‌ب 28 قوتابى ژ ئه‌گه‌رێ دوكێلا مالیدێ كاره‌بێ ژه‌هراوى بوون، و هاتینه ڤه‌گوهاستن بو نه‌خوه‌شخانا ئامێدیێ و حه‌فت ژ وان كچن.
نه‌جیب سه‌عید، رێڤه‌به‌رێ ساخله‌میا ئامێدیێ بۆ ئه‌ڤرۆ نیوز گۆت: (ئه‌ڤرۆ د ئاهه‌نگا هه‌ڤنیاسینا قوتابیان دا كاره‌با گشتى دچیت، پاشى سه‌رپه‌رشتیارێن ئاهه‌نگێ رادبن ب هه‌لكرنا موه ليده‌كا كاره‌باى د هولا ئاهه‌نگێ دا، ژبه‌ر دوكێلا وێ موه‌ليدێ 28 قوتابى ژه‌هراوى بوون).
زێده‌تر گۆت: (هه‌موو ئه‌و قوتابى بۆ نه‌خوه‌شخانا ته‌نگیاڤیان ل ئامێدیێ هاتنه ره‌وانه‌كرن داكو چاره‌سه‌ریا وان بهێته‌كرن و ره‌وشا پتريا وان يا باشه).
دیاركر ژى كو 21 قوتابی كورن و حه‌فت قوتابی كچن و هه‌نده‌ك ژوان ل نه‌خوه‌شخانێ ده‌ركه‌فتينه و هنده‌ك ژى ل بن چاڤدێریا نوشداران دانه.
