سه‌مۆنخانەك هات داخستن و ماركێتەك ژی هات سزادان
ئەڤرۆ نیوز،بارزان مزووری:
سه‌ردار یه‌حیا ، قایمقامێ قەزا شێخان بۆ ئەڤرۆ نیوز گوت:ئەڤرۆ دوشه‌مبى 15ی نیسانێ 2019ی لژنا هەڤپشك یا چاڤدێریا بازاری دناڤ سەنتەرێ شێخان دا، سه‌مۆنخانەك داخست و ب گوژمێ 50 هزار دیناران هات سزادان ژبەر نەپێگیری كرن ب رێنمایێن ساخلەمیێ ، ماركێتەك ژى دناڤ سەنتەرێ شێخان دا ب گوژمێ 100 هزار دیناران هات سزادان ژبەر كو كەلوپەلێن خو ل سەر جهێ هاتنوچوونا وەلاتیان دانابون ،
خویا كر كو: زێدەترى 100 كیلۆیێن كەلوپەلێن خوارنێ یێن ده‌مێ وان ب سەرڤەچوی هاتن دەستەسەركرن دناڤ چه‌ند ماركێتێن دناڤ سەنتەرێ شێخان دا، ب رێیا لژنەكا تایبەت ئه‌و كه‌لوپه‌لێن ده‌م ب سه‌رڤه‌چووى ل دەرڤەی باژێری هاتن سوتن.
