بۆ راگرتنا بازرگانیێ دگەل ئیرانێ ھەرێم چاڤەرێ بریارا بەغدا یە
ئەڤرۆ نیوز:
رێڤەبەرێ گشتی ل وەزارەتا بازرگانی و پیشەسازیا حوکمەتا ھەرێما کوردستانێ دیارکر بۆ راگرتنا بازرگانیێ دگەل وەلاتێ ئیرانێ ئەو چاڤەرێ بریارا بەغدا نە.
زێدەتر نەوزاد ئەدھەم دیارکر داکو پابەندی بریارا سزایێن دارایی یێن ئەمریکا ل سەر ئیرانێ دا سەپاندین بين ئەو چاڤەرێ بریارا حوکمەتا عیراقێ دکەن و ھەر دەمێ بریار دا رابگرین ل وی دەمێ دێ کارێ پێدڤی ئەنجام دەین.
ناڤھاتی زێدەتر گۆت: ژ بەر ئەو قەیرانا دارایی ل وەلاتێ ئیرانێ روودای ئینانا کەلوپەلان ژ وەلاتێ ئیرانێ بۆ ھەرێما کوردستانێ کێم بوویە ژ بەر پێدڤیا زێدە یا نافخویا ئیرانێ و سەرەرای راگرتنا بازرگانیێ دگەل ئیرانێ ژی چو کارتێکرنا خوە ل سەر ھەرێمێ نابیت ژ بەرکو مە رێیێن پێگوھور ھەنە.
