ره‌وشا كاره‌بێ دێ خرابتر لێ هێت
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ دا، د ئاگه‌هداریه‌كێ دا رادگه‌هینیت كو 5 ویستگه‌هێن به‌رهه‌مئینانا كاره‌بێ ژ نه‌ر نه‌بوونا سوته‌مه‌نیێ كار ناكه‌ت و ژ ئه‌گه‌رێ ڤێ چه‌ندێ دێ 625 میگاواتێن كاره‌بێ ژ تورا كاره‌با نیشتمانی كێم بن.
وه‌زاره‌تا كاره‌بێ د ئاگه‌هداریا خوه‌دا زێده‌تر گوتیه” پشتى كو 2 یه‌كه ل ویستگه‌هێن هه‌ولێر و سلێمانیێ ژنه‌ر نه‌بوونا سوته‌مه‌نیێ ژ كارى راوه‌ستیان، نوكه ژبه‌ر نه‌چاره‌كرنا ڤێ ئاریشێ، وه‌زاره‌تا كاره‌بێ دێ نه‌چار بیت، سێ یه‌كه‌یێن دى ژى رابگریت.
وه‌زاره‌تا كاره‌بێ ئاگه‌هداریا وه‌لاتیێن هه‌رێما كوردستانێ دكه‌ت كو ژ ئه‌گه‌رێ نه‌دابینكرنا سوته‌مه‌نیێ كو دابینكرنا سوته‌مه‌نیێ ئه‌ركێ وه‌زاره‌تا سامانێن سروشتى یه، وه‌زاره‌تا كاره‌بێ نه‌چاربوویه كو یه‌كه‌یێن به‌رهه‌مئینانا كاره‌بێ ژ هه‌ردو ویستگه‌هێن هه‌ولێر و سلێمانى ژ كارى راوه‌ستینیت، و ب ڤێ یه‌كێ 250 میگاوات ژ تورا كاره‌با نیشتیمانیا كوردستانێ كێم بووینه و ئه‌گه‌ر بێت گرفتا دابینكرنا سوته‌مه‌نیێ نه‌هێته چاره‌كرن و یا به‌رده‌وام بیت، وه‌زاره‌تا كاره‌بێ دێ نه‌چار بیت، یه‌كه‌یه‌كا دى ل ویستگه‌ها غازێ یا ل سلێمانیێ و 2 یه‌كه‌یێن دى ل ویستگه‌ها غازى یا هه‌ولێرێ رابگریت و ب ڤێ چه‌ندێ ژى 375 میگاواتێن دى ژى دێ ژ كاره‌با تورا نیشتمانى كێم بن و دێ بارگرانیه‌كا ئێكجار زور ئێخته سه‌ر موه‌لیدان.
