گه‌نجه‌كێ شێلادزێ دناڤ سه‌رتراشخانا خوه دا په‌رتوكخانه‌ك دانا
ئه‌ڤرۆ نیوز، نه‌وزاد هلۆرى:
ب مه‌ره‌ما زێده‌تر خزمه‌تكرنا گه‌نجان دوارێ خواندنێ دا، گه‌نجه‌كێ ناحیا شێلادزێ رابویه ب دروستكرنا په‌رتوكخانه‌كا تایبه‌ت دناڤ سه‌رتراشخانا خوه دا.
عه‌بدوللا رێكانى، ئه‌و گه‌نجه بۆ ئه‌ڤرۆ نیوز گۆت: (ب مه‌ره‌ما گرنگیدان ب خواندنێ من ب فه‌ردیت كو دناڤ سه‌رتراشخانا خوه دا په‌رتوكخانه‌كا تایبه‌ت بدانم، ب هه‌ڤكاریا هنده‌ك هه‌ڤالان من پترى 100 په‌رتوكێن جۆراوجۆر كۆمكرینه و دێ ل سه‌ر كۆمكرنا وان به‌رده‌وام ژى بم).
زێده‌تر گۆت: (پتریا ئه‌و كه‌سێن دهێنه سه‌رتراشخانێ ده‌مه‌كێ گه‌له‌ك ل سرا سه‌رتراشینێ دمینن، ژبه‌رڤێ چه‌ندێ من ب فه‌ردیت ئه‌وێ ڤالاتیێ بۆ وان ژ خواندنا په‌رتوكێن جودا پر بكه‌م، گه‌نجێن ده‌ڤه‌رێ ژى گه‌له‌ك حه‌ز ژ خواندنا په‌رتوكان دكه‌ن).
