ب وێنە .. پتری 45 کەسان تێدا کاردکەن گەشتەک بو ناڤا گەمیا نوح
ئەڤرۆ نیوز، نەوزاد هلۆری:
گەمیا نوح کو ژلایێ گەنجەکێ رەواندوزێ ل نێزیک تەلفریکا کورەک یا گەشتیاری هاتیە چێکرن، بوویە جهێ سەرنجراکێشا گەشتیاران و پووتەدانا کەلوپورێ کوردی، خودانێ گەمیێ دایە دیارکرن کو پتر 45 کەس تێدا کاردکەن و کارێ وان یێ سەرەکی وەبەرهێنانا کەلەپورێ کوردی یە.
حەیدەر قادر، خودانێ گەمیا نوح یا کەلەپوری بۆ ئەڤرۆ نیوز گوت: (گەمیا نوح یا کەلەپوری ل نێزیک تەلفریکا کورەک ل رەواندۆزێ هاتیە چێکرن، ئێکە ژ وان جهێن گەشتیاری و کەلەپوری کو کارێ سەرەک وەزەرهێنانا کەلەپورێ کوردی یە ژلایێ خەلکێ دەڤەرێ).
زێدەتر گوت: (دگەمیا نوح دا پتری 20 هزار پارچە شینوار و کەلەپورێ کوردی یێ هەرچوار پارچێن کوردستانێ دهێتە پاراستن، مە شەش بو 13 فەرمانبەر و پتری 35 کەسێن دن هەنە کو کار لسەر وەبەرهێنانا کەلەپوری و فروتنا وان دکەن، مەڕەما مەیا سەرەکی ئەوە کو ب رێیا فروتنا کەلوپەلێن کەلەپوری بۆ گەشتیاران کەلتورێ کوردی بدەینە نیاسین، دیسان بەردەوام کەلتورێ کوردی یێ هەرچور پارچێن کوردستانێ بهێتە نوکرن). ناڤبری دیارکر ژی کو گەمیا نوح دێ زێدەتر کار لسەر پەیداکرن و وەبەرهێنانا کەلەپورێ کوردی کەت، مە ل بەربو ل زاخۆ ژی بدانین، بەلێ رێ ب مە نەهاتەدان).
خودانێ گەمیا نوحی ددرێژاهیا ئاخفتنێن خودا دیارکر ژی کو روژانە هژمارەکا زۆر یا گەشتیارێن نافخوە و بیانی سەرەدانا وان دکەن و زێدەتر گوت: (پرانیا گەشتیارێن مە د وەرزێ زستانێ دانە، چونکی نێزیکە ل چیایێ کورەک، هندەک روژان هەتا سێ بو پێنج هزار کەس سەردانێ بۆ دکەن).
