ئالا.. و سهیرانى..!؟
كۆڤان حسێن
ههڤوهلاتى دهما سهیرانهكا خێزانى بۆ دهرڤهى سنۆرێ وهلاتێ خوه دكهت، نه بالیۆزه و نهژى لهشكرهك سهركهفتى یه ههتا ئالایێ وهلاتى خوه بلند بكهت. وهلاتێن پێشوازیا مێهڤانان دكهن یان زۆر خهلك سهرهدانا وان دكهن، قهت تێرا هندێ ئاژاوهچى و بهلبهلچى ههنه هندهك رهوشا برۆخسینن، ههم وهلاتێ خوه و ههم وهلاتێن خهلكى تووشى ئالۆزیێ بكهن. ئاشكرا بێژم هیچ كوردستانیهك نینه راده و ئاستێ فاشستیێ ژمارهكا زۆرا توركا نهزانیت؟! هیچ كوردستانیهك نینه نهزانیت ئاستێ ئالۆزیا ل ڤێ دهڤهرێ چهندێ بلنده و رهنگه تشتێ خرابتر ژی دروست بیت. راكرنا ئالایى ل ڤێ دهڤهرێ باوهرم نیازهك سادهیه، لێ دهم و جه نه سادهنه؟! ئهرێ ئهركێ كۆمپانیێن گهشتیارى ئهو نینه هندهك رێبهرێن گهشتیارى یێن هوشیار ب مێژوویێ ب رێدانا ب زمانى ب كهلتۆرى ب سیاسهتێ ل گهل ڤان گهشتیاران رێكهته سهیرانان؟! یا زانا ئهوه ل ههر وهلاتهكێ هندهك كار ب قانوون قهدهغهنه و هنده كار ب (عورف) قهدهغهنه. سهركهشى و خوین گهرمى و مهدحهكارى، جاران كارهساتان دروست دكهت. ههر وهلاتهكێ مه بۆ سهیرانێ ههلبژارت دڤێت قانوون و رێسا و كلتۆر و تیتالێن وان بزانین, كوردستان پێدڤى ب هیچ قهیرانهكێ نینه. یا ژ من ڤه یا رووداى خهمساریا كێم هوشیاریا گهشتیاریه. خهمساریا كۆمپانێن گهشتیاریه؟! بابهت بابهتێ دهستخۆشى و گهمكرنا ئێك نینه. جوانترین سهیران ئهوه یا دوور ژ سیاسهتێ و دوور ژ ئازراندنا ئێكودو چ سهیرانى چ جهێ سهیرانان و چ جهان دكهن.
