ژڤانێ گرێدانا كونگرێ پارتى دێ هێته دياركرن
ئه‌ڤرۆ نيوز:
ئه‌ندامه‌كێ سه‌ركردايه‌تيا پارتى ديموكراتى كوردستان ئاشكرا كر ل ئاينده‌يه‌كێ نێزيك مه‌كته‌با سياسى يا پارتى دێ ژڤانێ گرێدانا كونگرێ 14 دياركه‌ت.
زێده‌تر فازل به‌شاره‌تى دياركر ژ ئه‌گه‌رێ نه‌گرێدانا كونگرێ پارتى ماوێ كاركرنا جڤاتا سه‌ركردايه‌تى يا پارتى هاتيه درێژكرن له‌ورا نوكه پێدڤيه ل ماوێ بهێت كونگره بهێته ئه‌نجامدان.
ناڤهاتى ئه‌و چه‌نده ژى دياركر هه‌تا نوكه چو راستى نينن كو دێ ل ده‌سپێكا سالا بهێت كونگرێ پارتى هێته‌كرن لێ كومبوونێن بهێت دا مه‌كته‌با سياسى و سه‌ركردايه‌تيا پارتى دێ ژڤانێ كونگره‌ى دياركه‌ن.
پارتى ديموكراتى كوردستان د مێژوويا دامه‌زراندنا خوه هه‌تا نوكه 13 كونگره گرێداينه و ل ماوه‌كێ نێزيك كونگرێ چاردێ ژى دێ هێته گرێدان.
