وه‌زيرێ په‌روه‌ردێ برياره‌كا نوو ده‌ركر
ئه‌ڤرۆ نيوز:
وه‌زيرێ په‌روه‌ردێ ل هه‌رێما كوردستانێ برياره‌كا نوو ل دۆر وان قوتابخانه و په‌يمانگه‌هێن نه حكومى ده‌ركر كو ياريێ ب بهايان دكه‌ن.
ئالان حه‌مه سه‌عيد، وه‌زيرێ په‌روه‌ردێ ل هه‌رێما كوردستانێ ئه‌ڤرۆ شه‌مبيێ 31/8/2019 ل گه‌ل نوونه‌رێن قوتابخانه وباخچه وپه‌يمانگه‌هێن نه حكومى كۆمبوو و پشتى كۆمبوونێ وه‌زيرێ په‌روه‌ردێ بۆ ده‌زگه‌هێن راگه‌هاندنێ راگه‌هاند” مه چه‌ند فه‌رمانێن وه‌زارى بۆ په‌يداكرنا ده‌ليڤێن كارى و بجهئينانا رێنمايێن تايبه‌ت ب خواندنا نه حكومى هاتنه ده‌ركرن”.
ل دۆر بهايێ خواندنێ ل قوتابخانه وپه‌يمانگه‌هێن نه حكومى، وه‌زيرێ په‌روه‌ردێ گۆت” هه‌ر قوتابخانه و باخچه و په‌يمانگه‌هه‌كا نه حكومى ياريێ ب بهايان بكه‌ت، دێ ژ روويێ دارايى و ئيدارى هێته سزادان”.