مه‌سرور بارزانى پێشوازى ل نوونه‌را سكرتێرێ نه‌ته‌وێن ئێكگرتى كر
ئه‌ڤرۆ نيوز:
ئه‌ڤرۆ رۆژا دوشه‌مبى مه‌سرور بارزانى سه‌رۆكێ حوكمه‌تا هه‌رێما كوردستانێ پێشوازى ل جينين هينيس پلاسخارت، نوونه‌را تايبه‌تا سكرتێرێ گشتيێ نه‌ته‌وه‌يێن ئێكگرتى (UN) ل عيراقێ كر.
د كومبوونه‌كێ دا به‌حس ل پێشهاتێن عيراقێ و ده‌ڤه‌رێ هاته كرن و مه‌سرۆر بارزانى ژى روناهى خسته سه‌ر په‌يوه‌ندييێن ناڤبه‌را هه‌رێمێ و به‌غدا دا و ئاماژه دا وێ چه‌ندێ كو پێدڤيه دانوستاندن ناڤبه‌را هه‌ولێر و به‌غدا دا به‌رده‌وام بن و ئارمانجا وان يا سه‌ره‌كى ئه‌وه بگه‌هنه رێككه‌فتنێ بشێوه‌يه‌كى مافێن ده‌ستورى پارێزن.
سه‌رۆكێ حوكمه‌تا هه‌رێمێ ئه‌و چه‌نده ژى دياركر سه‌ره‌راى كاودانێن خراب يێن دارايى ئه‌وا ب سه‌ر هه‌رێما كوردستانێ دا گرتى لێ هه‌رێم بوويه په‌ناگه‌هه‌كا ئارام بۆ هه‌موو ئاواره و په‌نابه‌ران و هاريكاريا پێدڤى ژى بۆ هاتيه كرن.