جڤاتێن پارێزگه‌هێن هه‌رێمێ دێ چه‌ند داخوازیان ئاراسته‌ى سه‌رۆكێ حوكمه‌تێ كه‌ن
ئه‌ڤرۆ نیوز:
سه‌رۆكێ جڤاتا پارێزگه‌ها هه‌ولێرێ راگه‌هاند، ل رۆژا دوشه‌مبیا داهاتى 11/11/2019 ب مه‌ره‌ما دانوستاندنێ ده‌رباره‌ى هژماره‌ما پرس و داخوازیان ژ حوكمه‌تێ، هه‌رسێ سه‌رۆكایه‌تیێن جڤاتێن پارێزگه‌هێن هه‌ولێرێ و سلێمانیێ و دهۆكێ دێ ل گه‌ل سه‌رۆكێ حوكمه‌تا هه‌رێما كوردستانێ كۆم بن.
عه‌لى ره‌شید، سه‌رۆكێ جڤاتا پاریزگه‌ها هه‌ولێرێ گۆت” ل سپێده‌یا رۆژا دوشه‌مبى، ل سه‌ر داخوازیا مه، دێ ل گه‌ل سه‌رۆكێ حوكمه‌تا هه‌رێمێ كۆمب بین كو تێدا دێ دانوستاندنان ل دۆر هنده‌ك پرسان و هه‌روه‌سا مه چه‌ند داخوازى ژى یێن هه‌ین دێ ئاراسته‌ى سه‌رۆكێ حوكمه‌تێ كه‌ین”.
ناڤبرى زێده‌تر بۆ مالپه‌رێ فه‌رمى یێ پارتى دیموكراتى كوردستان گۆت” داخواز دكه‌ین قانوونا هژمار 3 بهێته راستڤه‌كرن، كو گه‌له‌ك گرفت یێن تێدا و دێ به‌حسێ رۆلێ جڤاتێن پاریزگه‌هان كه‌ین كو گرنگیه‌كا زێده‌تر پێ بهێته دان، تا كو بشێن زێده‌تر رۆلێ چاڤدێریێ بگێرن”.
خویاكر ژى” رۆژا دوشه‌مبى به‌رى كۆمبوونا جڤاتا وه‌زیران ل گه‌ل هه‌رسێ جڤاتێن پارێزگه‌هێن هه‌ولێرێ و سلێمانیێ و دهۆكێ، دێ ل گه‌ل هه‌موو فراكسیۆنێن په‌رله‌مانى كۆمبوونه‌كا راوێژكارى كه‌ین بۆ وێ چه‌ندێ بۆچوونا وان ژى وه‌رگرین و دێ بۆچوونێن وان ب گرنگ وه‌رگرین، تاكو د كۆمبوونێ دا به‌رچاڤ بكه‌ین”.
