كه‌سه‌كى ئاگر بەردا خوه
ئەڤرۆ نیوز،بارزان مزووری:
هێمن سلێمان،بەرپرسێ پشكا پەیوەندی و راگەهاندنا رێڤەبەریا پولیسێن پارێزگەها دهۆكێ بۆ ئەڤرۆ نیوز راگه‌هاند، ئەڤرۆ بەری نیڤرۆ ژلایێ پولیسێن قەزا بەردەرەش ڤە هاتینە ئاگەهداركرن كۆ د ناڤ كەمپا بەردەرەش یا پەنابەرێن رۆژئاڤا سنێلەكێ 13 سالی ژ نیشكەكێ ڤە ئاگری ب لەشێ خوه بەردەت و رێژەكا مەزن یا لەشێ وی دهێتە سوتن و بۆ نەخوه‌شخانا سوتنێ ل باژێرێ دهۆكێ دهێته ڤەگوهاستن و نوكه د بن چاڤدێریا نوشداران دايه.
ناڤهاتی خویاكر ژى” ل دووڤ ڤەكولینێن دەستپێكێ دیار بوویە كو ئەو سنێلە تووشی كێشەیەكا دەروونی بوویە د ناڤ كەمپێ دا و بێهن تەنگی بۆ پەیدابویە و ئه‌ڤ چه‌نده بوویە ئەگەرێ بەردانا ئاگری ب لەشێ خوه”.
هه‌روه‌سا دياركر كو ژبۆ زێدەتر پێزانينان ل سەر خوه سوتنا وی ڤەكولین ژلایێ پولیسان ڤە یا دگەل كەسێن نێزیكى وی سنێلەی یا بەردەوامە.
