مه‌سرور بارزانى پێشوازيێ ل جێگرێ سه‌رۆكێ خاچا سوور يا نێڤده‌وله‌تى دكه‌ت
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 13/11/2019 پێشوازى ل جيل كاربۆنيێ جێگرێ سه‌رۆكێ كۆميتا خاچا سوور يا نێڤده‌وله‌تى كر.
د دێداره‌كێ دا جێگرێ سه‌رۆكێ كۆميتا خاچا سوور يا نێڤده‌وله‌تى سوپاسيا حوكمه‌تا هه‌رێمێ كر بۆ هه‌ماهه‌نگى و كارئاسانيێن وێ بۆ خاچا سوور يا نێڤده‌وله‌تى بۆ بجهئينانا چالاكى و پرؤژێن خوه ل هه‌رێما كوردستانێ و ب سه‌رۆكێ حوكمه‌تێ راگه‌هاند” ب تايبه‌تى سوپاسيا هه‌وه يێن به‌رێز دكه‌م كو دۆسته‌كێ گرنگێ خاچا سوورى و ل سالا 2003 ب به‌رده‌وامى هاريكارێ خاچا سوور يا نێڤده‌وله‌تى”.
هه‌روه‌سا دياركر كو ب هاريكارى و هه‌ماهه‌نگى ل گه‌ل حوكمه‌تا هه‌رێمێ دێ سه‌نته‌ره‌كێ راهێنانێن سروشتى بۆ هاريكاريا خودان پێدڤيێن تايبه‌ت ل هه‌ولێرێ دێ هێته ڤه‌كرن.
سه‌رۆكێ حوكمه‌تا هه‌رێمێ سوپاسيا خاچا سوور يا نێڤده‌وله‌تى كر بۆ ئه‌نجامدانا چالاكيێن مرۆڤايه‌تى ل جيهانێ و هه‌رێما كوردستانێ ب تايبه‌تى، دووپاتى ل به‌رده‌واميا هه‌ماهه‌نگيا حوكمه‌تا هه‌رێمێ ل گه‌ل خاچا سوور كر.
