چاڤه‌رێ دهێته كرن حوكمه‌تا عيراقێ برياره‌كا گرنگ بده‌ت
ئه‌ڤرۆ نيوز:
ژێده‌ره‌كێ عيراقى يێ به‌رپرس ئاشكراكر، ژ ئه‌گه‌رێ به‌رده‌وامبوونا خوه‌نيشادانان چاڤه‌رێ دهێته كرن ل چه‌ند رۆژێن داهاتى ژڤانێ هه‌لبژارتنێن پێشوه‌خت بهێته راگه‌هاندن.
مالپه‌رێ (سومه‌ريه نيوز) يێ عيراقى ئه‌ڤرۆ دوشه‌مبى 18/11/2019 ژ زارده‌ڤێ ژێده‌ره‌كێ به‌رپرس به‌لاڤكر” به‌رده‌وامبوونا خوه‌نيشادانان ل عيراقێ دێ له‌زێ د بجهئينانا پێشنيازه‌كێ دا كه‌ت كو هه‌ر ژ رۆژا شه‌مبيا بۆرى دانوستاندن ل سه‌ر دهێنه كرن، ئه‌و پێشنياز ژى دياركرنا ژڤانێ ئه‌نجامدانا هه‌لبژارتنێن پێشوه‌خته ل عيراقێ كو ژ ساله‌كێ نه بۆريت پشتى ده‌نگدانێ ل سه‌ر قانوونا نوو يا هه‌لبژارتنان و پێكئينانا كۆمسيۆنه‌كا نوو يا هه‌لبژارتان”.
دياركر ژى كو دبيت ئه‌ڤ چاره‌سه‌ريه هه‌تا راده‌كێ مه‌زن يا گونجاى بيت بۆ جادا عيراقى و بۆ مه‌رجه‌عيه‌تا شيعى ل نه‌جه‌ف.
