12% رێژا چاپکرنا پرتووکان ل دهۆکێ زێدەبوویە
ئەڤرۆ نیوز، رێوار محەمەد رەشید:
رێڤەبەرێ پرتووکخانا بەدرخانیان ل پارێزگەها دهۆکێ ئاشکرا کر: کو رێژا چاپکرنا پرتووکان ل پارێزگەها دهۆکێ د زێدەبوونێ دایە و گۆت: “د سالا 2019ێ دا پتری 400 ژمارێن سپاردنێ مە داینە نڤیسەران”.
ئیسماعیل تاهر جانگیر، رێڤەبەرێ پرتووکخانا بەدرخانیان ل پارێزگەها دهۆکێ بۆ ئەڤرۆ نیوز دیار کر کو پرتووکخانا بەدرخانیان ل پارێزگەها دهۆکێ وەکو لایەنێ فەرمیێ دانا ژمارا سپاردنێ بۆ چاپکرنا پرتووکان، د سالا ٢٠١٩ ێ دا بەراورد دگەل سالا ٢٠١٨ ێ ب رێژەکا بەرچاڤ چاپکرنا پرتووکان ل پارێزگەها دهۆکێ زێدەبوویە.
ناڤهاتی ئاماژە دا وێ چەندێ کو د سالا ٢٠١٩ دا ٤١٤ ژمارێن سپاردنێ ب نڤێسەران هاتینە دان بۆ چاپکرنا پرتووکان، بەراورد دگەل سالا ٢٠١٨ ب رێژا نێزیکی ١٢% زێدەبوویە.
