جڤاتا نوونەرێن ئەمریکا بریارەک ل دژی دۆنالد ترەمپی پەسەند کر
ئەڤرۆ نیوز:
جڤاتا نوونەرێن ئەمریکا دەنگ دا ب دوماهی ئینان ب بکارئینانا هێزا لەشکەری د عێراقێ دا، هەروەسا دەستهەلاتا بکار ئینانا هێزا وی وەلاتی ژ سەرۆکێ ئەمریکا وەرگرت.
جڤاتا نوونەرێن ئەمریکا ب دەنگێ ٢٣٦ بەلێ، ١٦٦ دەنگێن نەخێر دوماهی ب وێ قانوونێ ئینا یا کو ل سالا ٢٠٠٢ وەک بەرهەڤکاری بۆ هێرشکرنا سەر رژێما بەعس دەرکری و تێدا دەستهەلات ب سەرۆکێ ولاتی دای کو هێزا لەشکەری د ئاخا عێراقێ دا بکار بینیت.
هەروەسا میدیایێن ئەمریکا بەلاڤکرن، چێدبیت دۆنالد ترەمپ ڤیتۆ هەبیت ل سەر بڕیارا دوماهی ئینانێ ب قانوونا بکارئینانا هێزا لەشکەری د عێراقێ دا و ئەڤە ژی ژبەر وێ چەندێ کو دەستهەلاتا بکارئینانا هێزا لەشکەری ل هەمبەر ئیرانێ د ئاخا عێراقێ دا کێمدبیت یان ژی نامینیت.
