وه‌زیرێ به‌رگریا ئیتالیا سۆزێ ددەتە پێشمه‌رگەی
ئەڤرۆ نیوز:
لۆرینزۆ گیورینی، وەزیرێ بەرگریا ئیتالیا رۆلێ ھێزێن پێشمەرگەی د شەرێ ڵ دژی داعشێ بلند دنرخینیت و سۆزێ ددەت، ھاریکاریێن وەلاتێ وی بۆ پێشمەرگەی د بەردەوام بن.
پشتی کۆمبوونا وی ل گەل مەسرور بارزانی، سەرۆکێ حکومەتا ھەرێما کوردستانێ، وەزیرێ بەرگریا ئیتالیا د تویتەکێدا نڤێسیە: حکومەتا ھەرێما کوردستانێ دۆستەکێ نێزیکی ئیتالیایە، پێشتر ژی من سەرەدانا ھەولێرێ کربوو، نوکە جارەکا دیتر ل گەل سەرۆك وەزیرێن ھەرێما کوردستانێ، مەسرور بارزانی مە کۆمبوون ھەبوو.
د تویتا خوە دا گوێرینی نڤێسیە: من پالپشتیا ئیتالیا بۆ ھێزێن پێشمەرگەی دوپاتکریە و سوپاسیا رۆلێ ئازایانە یێ پێشمەرگەی دکەم، ب تایبەتی ل شەڕێ دژی داعشێ.
