كازمی هاته راسپاردن بۆ پێك ئینانا حكومه‌تا نوو یا عیراقێ
ئه‌ڤرۆ نیوز:
پشتی شكه‌ستنا به‌ربژارێ ئێكێ و دوێ، سه‌رۆك كۆمارێ عیراقێ به‌ربژارێ سیێ بۆ پێك ئینانا حكومه‌تا نوو یا عیراقێ راسپارد.
ئه‌ڤرۆ عه‌دنان زورفی راسپاردیێ دوێ بۆ پێك ئینانا كابینا نوو یا حكومه‌تا عیراقێ ڤه‌كیشانا خۆ راگه‌هاند.
پشتی خۆ ڤه‌كێشانا زورفی، به‌رهه‌م سالح سه‌رۆك كۆمارێ عیراقێ ل كۆشكا سه‌لام ل به‌غدا، مسته‌فا كازمی سه‌رۆكێ ده‌زگه‌هێ هه‌والگریا عیراقێ بۆ پێك ئینانا كابینا نوو یا حكومه‌تێ راسپارد.
د رێ و رسمێن راسپاردنا كازمی دا، هه‌ر ئێك ژ عمار حه‌كیم و هادی عامری سه‌رۆكێ هه‌ڤپه‌یمانیا فه‌تح و محه‌مه‌د حه‌لبوسی سه‌رۆكێ په‌رله‌مانی به‌رهه‌ڤ بوون.
پشتی ده‌ست ژ كارڤه‌كێشانا عادل عه‌بدلمه‌هدی و شكه‌ستنا محه‌مه‌د عه‌لاوی و ژ پێك ئینانا حكومه‌تێ و پاشی سه‌رۆك كۆماری عه‌دنان زورفی راسپارد ل دوماهیێ ئه‌وی ژی خۆڤه‌كێشا ژ پێك ئینانا حكومه‌تێ پشتی لایه‌نێن سیاسی پشته‌ڤانی لی نه‌كری.