مەسرور بارزانی: سوپاسیا دەزگەهێن راگەهاندنێ د‌كه‌م
ئەڤرۆ نیوز:
سەرۆکێ حوکمەتا هەرێما کوردستانێ ب هەلکەفتا رۆژا رۆژنامەگەریا کوردی و سالرۆژا دامەزراندنا سەندیکا رۆژنامەنڤیسێن کوردستانێ په‌یامەک بەلاڤ کریە.
ب هەلکەفتا( 122) مین سالرۆژا رۆژنامەگەریا کوردی و دەرچوونا ئێکەم هژمارا رۆژناما ( کوردستان )، گەرمترین پیرۆزباهیان ل رۆژنامەنڤیسان و راگەهاندنکارێن کوردستانێ دکەم، هەروەسا (22) مین سالرۆژا دامەزراندنا سەندیکا رۆژنامەنڤیسێن کوردستانێ ل رۆژنامەنڤیسێن هەرێما کوردستانێ پیرۆز دکەم و هیڤیا سەرکەفتێ بۆ وان دخوازم.
د ڤێ دەرفەتێ دا ب پێدڤی دزانم سوپاسیا دەزگەهێن راگەهاندنا هەرێما کوردستانێ بکەم، کو د جێبەجێکرنا رێکارێن خۆ پارێزیێ ژ ڤایرۆسی کۆرۆنا یێ و بەلاڤکرنا رێنمایێن ساخلەمیێ رۆلەکێ گرنگ هەبوو.
رێز و پێزانین بۆ رووناکبیران و پێشەنگێن رۆژنامەگەریا کوردستانێ و وا رۆژنامەنڤیسێن ژ پێناڤی گەهاندنا دۆزا رەوا یا گەلێ کوردستانێ دا خزمەت کری و گیانێ خوە کریە قوربانی.
مەسرور بارزانی
سەرۆکێ حوکمەتا هەرێما کوردستانێ
2020/4/21