فەرماندەکێ پێشمەرگەی: پێشبینیا ھێرشێن زێدەتر یێن داعش ھەیە
ئەڤرۆ نیۆز قائید میرۆ:
فەرماندەیەکێ پێشمەرگەی ھۆشداریێ ددەت لدۆر ھێرشێن چەکدارێن داعش بۆ سەر کەرکووکێ و ئاشکراکر، پێشمەرگە یێ بەرھەڤە بۆ بەرسیڤدانا ھەر ھێرشەکا داعش.
نووری حەمە عەلی، بەرپرسێ میحوەرێ باشوور و رۆژئاڤایێ کەرکووکێ بۆ ئەڤرۆ نیۆز دیارکر” رۆژێن بۆری تیرۆرستێن داعش ھژمارەک ھێرش کرینە سەر ھێزێن عێراقی ل سنورێ کەرکووکێ و زیانێن مەزن بەر ھەردوولا کەفتینە، نوکە داعش مفا ژ سەقایێ بھارێ دیتیە و ھێزێن عێراقی ژی شیانێن کۆنتڕۆلکرنا رەوشێ نینە.
ئەڤی فەرماندەیێ پێشمەرگەی گۆتژی”رەوشا کەرکووکێ یا بەرەف مەترسیێت زێدەتر دچیت و ھەگەر پێشمەرگە نەھێتە ڤەگەڕاندن بۆ دەڤەرێن کوردستانی، ئەڤە بێگومان داعش پیلانێن زۆر مەترسیدار ھەنە.
نووری حەمە عەلی دبێژیت” پێشمەرگە ل سەنگەران چاڤدێریا رەوشێ دکەت و بەردەوام زانیاری لدۆر لڤینێن داعشێ دھێنە کۆمکرن و پێشمەرگە یێ بەرھەڤە بۆ بەرسیڤدانا ھەر ھێرشەکا چەکدارێن داعش.