یۆنان: ئەوێن مافێ پەنابەریا وان هاتیە رەتکرن دێ هێنە دەرخستن
ئەڤرۆ نیوز:
وەزیرێ کۆچا یۆنانێ راگەهاند: ئەو کەسێن مافێ پەنابەریا وان هاتیە رەتکرن، هەموو دێ هێنە دەستە سەرکرن و هەموو دێ ژ یۆنانێ هێنە دەرخستن.
نۆتیس میتاراکیس وەزیرێ کۆچا یۆنانێ گۆت ژی: پشتی قەدەغەیا هاتنوچوونێ ژبەر کۆرۆنا یێ هاتیە سەپاندن، داخوازیێن مافێ پەنابەریێ زێدەبووینە، وان ژی قانوونێن خوە دەربارەی پەنابەران توندتر لێ کرینە، د هەیڤا ئادار و نیسانێ دا کەیسا ١١ هزار کۆچبەران هاتینە رەتکرن.
هەروەسا دیارکریە: زۆربوونا پەنابەران بوویە ئاریشەکا جددی ل سەر یۆنانێ، ئەو کەسێن کەیسێن وان هاتینە رەتکرن، پشتی ب دووماهی هاتنا رێکارێن تایبەت ب کۆرۆنا یێ ڤە هەموو دێ بۆ وەلاتێن وان هێنە رەوانە کرن.
