کەسەک خەندقی و سێ یێن دیتر ژی هاتنە رزگار کرن
ئەڤرۆ نیوز، عەلی حاجی:
بەرپرسێ راگەهاندنا بەرەڤانیا باژێری ل دهوکێ بۆ ئەڤرۆ نیوز دیار کر: ئەڤرۆ د سێ روودانێن ژێکجۆدا یێن خەندقینێ دا ل زاخۆ کەسەک خەندقی و سێ کەس ژی هاتنە رزگار کرن.
زێدەتر رائید بێوار عەبدولعەزیز گۆت : روودانا ئێکێ ئەڤرۆ ئەینیێ دەمژمێر ٣:٣٠ بەری ئێڤاری ل نێزیک پرا دەلال دروست بوو، دەمێ مەترسیا خەندقینێ کەفتە سەر گەنجەکێ و بەری خەندقیت تیمێن مەیێن نقومەڤانی شیان وی کەسی رزگار بکەن، هەر ل هەمان روژ و دەمژمێر ٣:٤٥ ژبەریا ئێڤاری گەنجەکێ دیتر هەر ل نێزیک پرا دەلال د ئاڤا خابیری دا مەترسیا خەندقینێ کەفتە سەر و تيمێن مەیێن نقومەڤانی ل زاخۆ شیان وی کەسی ژی رزگار بکەن ژ خەندقینێ، روودانا سیێ ژی ل گوندێ جەم باهیڤێ یا سەر ب قەزا زاخۆ ڤە دروست بوو دەما دوو کوس ب مەرەما مەلەڤانیان خوە ل ئاڤا خابیری ددەن پشتی دەمەکێ کێم کەسەک خەندقیت و کەسەکێ دیتر ژی ژلایێ خەلکێ ل وی جهئ ڤە هاتە رزگار کرن و بۆ نەخوشخانەیا زاخۆ هاتە رەوانە کرن.
ناڤبری گۆت ژی : تیمێن مەیێن نقومەڤانی بەردەوامن ل سەر لێگەریانا وی کەسی خەندقی د ئاڤا چەم باهیڤێ دا و روودانێن ب ڤی رەنگی ل روژا ئەینیان دا دروست دبن ژبەر کو د وێ روژێ دا ژمارەیەکا زۆر یا خەلکی قەستا سەر ئاڤێ دکەن.
