بھایێ پێشبینیکری یێ ڤاکسینێ کۆرۆنایێ ھاتە دیار کرن
ئەڤرۆ نیوز:
رۆژنامەکا بریتانی ئاشکرا کریە: کو بھایێ پێشبینیکری یێ ڤاکسینێ کۆرۆنایێ، یێ کو ژ ئالیێ کۆمپانیا مودێرنا ھاتیە دروست کرن، د ناڤبەرا ٥۰ بۆ ٦۰ دۆلاران دایە.
وێ رۆژنامێ گۆتیە: بھایێ ڤێ ڤاکسینێ دێ دناڤبەرا ٥۰ بۆ ٦۰ دۆلاران دابیت، کو ئەڤە ژی زۆر زێدەترە، هەکە بهێتە ھەڤبەر کرن ل گەل کۆمپانیا pfizer و ھەڤبەشا وێ یا ئەلمانی Bion tech د چارچۆڤێ رێککەفتنا وان ل گەل حوکمەتا ئەمریکا دیارکریە، ھەر خۆلگەھەکا چارەسەر وەرگرتنێ دو دۆزا ڤەدگریت و بھایێ وێ ۳۹ دۆلارن.
هەروەسا گۆتیە: ئەو بھایێ مۆدێرنا پێشنیار کری، تنێ ل گەل ئەمریکا و وەلاتێن سەرمایەدار ھەڤدگریت.
ژ ئالیێ خوە ڤە پەیڤدارێ کۆمپانیا مۆدێرنا راگەھاندیە: ل گەل حوکمەتێن نێڤدەولەتی د گۆتوبێژان داینە بۆ دابینکرنا رێژەکێ ژ ڤاکسینێ mRNA-١٢٧٣ ، لێ رەتکر چ زانیاریان دەربارەی بھایێ وێ بدەت.
